દર વર્ષની જેમ, આ વર્ષે પણ ઉનાળા દરમિયાન રાજ્યના મોટાભાગના વિસ્તારોમાં કમોસમી વરસાદનું પ્રમાણ વધ્યું છે. જેના કારણે રાજ્યના મોટાભાગના વિસ્તારોમાં ખેડૂતોને મોટું નુકસાન થયું છે.
કમોસમી વરસાદને કારણે ઉનાળાના મધ્યમાં રાજ્યના કેટલાક વિસ્તારોમાં ચોમાસા જેવી પરિસ્થિતિ સર્જાય છે. આવી સ્થિતિમાં, હવામાનશાસ્ત્રી અને વરિષ્ઠ હવામાન વિશ્લેષક અંબાલાલ પટેલે ચોમાસા અંગે મોટી આગાહી કરી છે. તમને જણાવી દઈએ કે હાલમાં રાજ્યના કેટલાક વિસ્તારો જેમ કે ઉત્તર ગુજરાત, મધ્ય ગુજરાત, દક્ષિણ ગુજરાત અને કચ્છમાં વાદળછાયું વરસાદી વાતાવરણ જોવા મળી રહ્યું છે.
વાદળછાયા વાતાવરણને કારણે, આગામી દિવસોમાં હજુ પણ વરસાદની મોટી શક્યતાઓ છે. અંબાલાલ પટેલે આગાહી કરતા કહ્યું છે કે રાજ્યમાં હાલમાં ચોમાસું બેસવા લાગ્યું છે. ચોમાસું શરૂ થાય તે પહેલા કેટલાક સંકેતો છે. આ સંકેતો વિશે વાત કરીએ તો, ચોમાસુ શરૂ થાય તે પહેલાં કેટલીક પ્રક્રિયાઓ શરૂ થાય છે. જેમાં સવારે આકાશમાં હળવા પાતળા વાદળો બને છે. પછી બપોરે વાતાવરણ સ્વચ્છ થઈ જાય છે અને રાત્રે આકાશ કેસરી રંગનું થઈ જાય છે.
આ બધી પ્રક્રિયાઓ ચોમાસા પહેલા એક મહિના સુધી ચાલે છે. હવામાનશાસ્ત્રી અંબાલાલ પટેલે કહ્યું છે કે રાજ્યમાં આ પૂર્વ-ચોમાસાની પ્રક્રિયા શરૂ થઈ ગઈ છે. તેમણે આગાહી કરતી વખતે ચોમાસાની શરૂઆતની ચોક્કસ તારીખ પણ આપી છે. તેમણે કહ્યું છે કે 15 જૂનની આસપાસ રાજ્યમાં ચોમાસું શરૂ થવાની સંભાવના છે.
ભારતમાં ચોમાસું સૌપ્રથમ કેરળ રાજ્યમાં શરૂ થાય છે. આ વર્ષે, 1 જૂનથી કેરળમાં ચોમાસું શરૂ થવાનું છે. વેસ્ટર્ન ડિસ્ટર્બન્સને કારણે, અંબાલાલ પટેલે કહ્યું છે કે આ વર્ષે રાજ્યમાં ચોમાસું 15 થી 30 જૂનની વચ્ચે શરૂ થશે. હવામાનશાસ્ત્રી અંબાલાલ પટેલે એવી પણ આગાહી કરી છે કે મે મહિનાના છેલ્લા 15 દિવસોમાં રાજ્યમાં ભારે ગરમીનો અનુભવ થશે. બંગાળની ખાડીમાં બનેલા મોચા નામના ચક્રવાતને કારણે, દેશના કેટલાક રાજ્યોને ભારે નુકસાન થઈ શકે છે. ગુજરાત પર તેની કોઈ અસર થશે નહીં.
